Birlashgan Arab Amirliklarining Dubay shahrida tramvayda sayohat qilish hissini beruvchi attraksion ochildi. Ilk haqiqiy tramvay esa amirliklarda 11-noyabrdan qatnay boshlaydi. Bu haqda “RIA Novosti” xabar bermoqda.
“Virtual tramvay” 1-noyabr kuni Dubay metrosi bekatlaridan biri — Ghubaiba Metro Station’da ochildi. Xohlovchilar unga o‘tirib, jamoatchilik transportining yangi turi yo‘nalishiga mos bo‘lgan bekatlarda “tushishi” mumkin. Buning uchun katta ekran orqali uzatiladigan 3D shaklidagi tasvirlardan foydalaniladi.
Hukumatning va’da qilishicha, Dubay tramvayi Yaqin Sharqdagi eng zamonaviysi bo‘ladi. U Dubay metrosi kabi avtomatik rejimda, mashinistlarsiz harakatlanadi.
Izoh (0)