O‘zbekiston Favqulodda vaziyatlar vazirligi Markaziy bazasida Fuqaro mudofaasi xalqaro tashkiloti tomonidan yuborilgan beg‘araz texnik ko‘mak konteyniri qabul qilib olindi. Bu haqda vazirlik matbuot xizmati xabar bermoqda.
Vazirlikning eslatishicha, Fuqaro mudofaasi xalqaro tashkiloti rahbari V.Kuvshinov 6—11-oktabr kunlari hamkorlikning joriy holati va istiqbollarini muhokama qilish yuzasidan O‘zbekistonga tashrif buyurgan edi.
Konteynerda qutqaruv ishlari uchun maxsus asbob-anjomlar, xo‘jalik ishlarida qo‘llaniluvchi jihozlar, xususan, qutqaruv arqoni, TILLEY projektori, qutqaruvchilar uchun sumka anjomlari, birinchi yordam ko‘rsatish vositalari, (Vinnik) o‘t o‘chirgich, qutqaruvchilar uchun zaruriy kiyim-bosh, arra va yana shu kabi ko‘plab maxsus texnik anjomlar mavjud.
Tadbirda Favqulodda vaziyatlar vaziri T.Xudayberganov, Vazirning birinchi o‘rinbosari K.Oripov hamda Vazirlik markaziy apparati bo‘lim boshliqlari ishtirok etib, mazkur jihozlardan samarali foydalanish yuzasidan chora-tadbirlar belgilandi.
Qabul qilingan beg‘araz texnik ko‘mak Favqulodda vaziyatlar vazirligi tizimining turli sohalarida foydalanish uchun topshirilishi rejalashtirilmoqda.
Izoh (0)