HTC One (M8) smartfonidan ko‘ra Apple iPhone 6 tezroq ishlashi aniqlandi

Phonearena.com sayti HTC One (M8) va Apple iPhone 6 smartfonlarining qog‘ozdagi ishlash tezligiga ishonmasdan, haqiqiy hayotda ham sinab ko‘rishga qaror qildi. Bu haqda “Parol” nashri xabar berdi.

Sinov uchun jami 16 ta dastur tanlandi va qaysi smartfon ushbu dasturlarni tezroq ochishi tekshirib ko‘rildi. Bunda har bir dastur ikki martadan ochib ko‘rilgan va o‘rtacha natija hisobga olingan.

Yakunda esa 9:7 hisobi bilan Apple iPhone 6 smartfoni g‘alaba qozondi. Har bir smartfon dasturlarni ochish uchun qanchadan vaqt sarflaganini esa “Parol” nashridagi to‘liq ro‘yxatdan ko‘rishingiz mumkin.

Eslatib o‘tamiz, avvalroq xuddi shunday sinov Apple iPhone 6 va Samsung Galaxy S5 smartfonlari o‘rtasida o‘tkazilgan, unda iPhone 6 g‘alaba qozongan edi.

Shuningdek, “Parol” nashrida quyidagi maqolalarni ham o‘qishingiz mumkin:

• Microsoft Excel dasturida chizilgan suratlar;
• Apple rahbarining fikricha, Apple Watch aqlli soatini har kun quvvatlashga to‘g‘ri keladi;
• Xiaomi smartfon sotish bo‘yicha Samsung va Apple’dan keyingi o‘ringa chiqib olgani xabar qilindi.