Microsoft kompaniyasi Nokia va Windows Phone brendi nomlaridan foydalanishni to‘xtatmoqchi ekanligi haqida tarqalgan mish-mishlarni rasman tasdiqlashga tayyor. Bu haqda The Verge ma’lumotiga asoslanib “Parol” nashri xabar berdi.
Nokia.com’da joylashgan Lumia smartfonlari haqidagi ma’lumotlar Microsoft kompaniyasining rasmiy saytidagi yangi bo‘limga ko‘chirildi. Buni esa birinchi bo‘lib Fransiyadagi Nokia kompaniyasi o‘zining ijtimoiy tarmoqlardagi sahifalarida Microsoft Lumia brendini tasdiqladi. Shuningdek, barcha Nokia nomlari o‘rnida Microsoft Lumia ishlatilishi Microsoft kompaniyasi tomonidan xabar qilingan.
Lumia smartfonlaridan Nokia nomining olib tashlanishi, bu brend nomi butunlay yo‘qolib ketganini bildirmaydi. Nokia kompaniyasi hozirda alohida xaritalar va tarmoq infrastrukturasi yo‘nalishida ishlamoqda.
Nokia tarixidagi eng asosiy smartfonlar va ular haqidagi ma’lumotlar bilan “Parol” nashrining ushbu maqolasida tanishishingiz mumkin.
Izoh (0)