Fransiyaning Total neft konserni kompaniya prezidenti Kristof de Marjerining samolyoti Moskvadagi Vnukovo aeroportida halokatga uchrashi oqibatida vafot etganini tasdiqladi, deb xabar bermoqda Korrespondent.net.
Kompaniya axborotida aytilishicha, halokat 20-oktabr kuni Parij vaqti bilan soat 22:00 da (Toshkent vaqti bilan 21-oktabr 01:00) sodir bo‘lgan. Aeroport vakillarining so‘zlariga ko‘ra, yengil dvigatelli Dassault Falcon 50 samolyoti qor tozalovchi mashina bilan to‘qnashib ketishi oqibatida uch ekipaj a’zosi va bir yo‘lovchi (Kristof de Marjeri) halok bo‘lgan. Voqea yuzasidan jinoiy ish qo‘zg‘atilgan va surishtiruv ishlari olib borilmoqda.
Ma’lumot uchun, Total kompaniyasi dunyodagi oltita eng yirik neft-gaz konsernlaridan biri bo‘lib, umumiy kompaniyalar reytingi bo‘yicha Fransiyada birinchi, Yevropada beshinchi va jahonda 11-o‘rinda turadi.
Izoh (0)