Google Play’ning izlash natijalarida 4 va undan katta bahoga ega bo‘lgan dasturlarni ko‘rsatuvchi rukn tashkil etildi. Bu haqda Phonearena.com ma’lumotiga asoslanib “Parol” nashri xabar berdi.
Ushbu usul bilan ham faqatgina yaxshi dasturlar taqdim etilishi 100 foiz kafolatlanmagan. Chunki, yolg‘ondan reyting to‘plagan dasturlar ham Google Play’da mavjud. Ammo ushbu izlash imkoniyati, anchagina reytingi past dasturlarni chetga chiqarib qo‘yadi.
Eslatib o‘tamiz, Google Play’da dasturlarni 5 ballik tizimda “yulduz”lar bilan baholash mumkin. Bunda foydalanuvchilar dastur haqida o‘zlarining nafaqat fikrlarini bildirishadi, balki boshqalar ham ushbu dasturni yuklab olishlari yoki bunday qilmasliklari haqida maslahat bergan bo‘lishadi.
Izoh (0)