“Barselona” hujumchisi Luis Suares maydonda Lionel Messi bilan birga o‘ynash borasida gapirib o‘tdi, deb xabar bermoqda Uff.uz.
Suares “Barselona”ga barcha sovrinlarni yutib olish uchun kelgani va Messi bunda katta yordam berayotganini qayd etdi: “U (Messi) jamoaga qay darajada foydali futbolchi ekanini hamma yaxshi biladi. Men uni hozirdanoq dunyoning eng yaxshi futbolchisi deb bilaman, Lionel esa hali shu qadar yoshki...
Maydondagi hamkorlikka kelsak, keling, o‘yin boshlanishini kutaylik. Shaxsan men uning boshlanishini intiqlik bilan kutmoqdaman”.
Urugvaylik futbolchi dunyoning eng yaxshi futbolchisi Krishtianu Ronaldu emas, Messi deb hisoblaysizmi degan savolga quyidagicha javob berdi: “Men har kuni Messi bilan birga mashg‘ulotda ishtirok etaman va har kuni hayratga tushaman. U o‘zgacha. Men uchun Messi dunyoning eng yaxshi futbolchisidir”.
“Hamma u qay darajada kuchli ekanini aytmoqda. Leo ko‘p gol uradi. Ammo Messi — eng avvalo, ajoyib jamoaviy futbolchidir. U to‘pdan qanday foydalanishni va raqib darvozasi oldida xavfli vaziyat yaratishni yaxshi biladi. U mukammal futbolchi”, — dedi Suares.
Izoh (0)