Samsung kompaniyasi iPhone 6 bilan Galaxy Note 4 smartfonlarini taqqoslash maqsadida videorolik taqdim etdi. Bu haqda Phonearena.com ma’lumotiga asoslanib “Parol” nashri xabar berdi.
Video boshida orqa cho‘ntakka buyumlarni qoldirib, biror yerda o‘tirilsa, o‘sha buyumlar buklanib qolishi mumkin deyiladi. Misol uchun hamyon, to‘lov kartasi, sanchqi, smartfon buklanadi, ammo Galaxy Note 4 smartfoni esa buklanib qolmaydi.
Videoda Galaxy Note 4 smartfonining uch nuqtasidan kuch bilan bosib, sinab ko‘rildi va uning ustiga odam o‘tirsa nima bo‘lishi ko‘rsatildi. Samsung ma’lumotlariga ko‘ra bunday sinovlardan keyin Galaxy Note 4’ga hech narsa qilmagan. Videodan ko‘rish mumkinki, Galaxy Note 4 smartfoniga kuch ta’sir ettirilganda, u buklangan, biroq yana qaytib o‘z holiga kelgan.
Janubiy Koreyada ushbu smartfonining sotuvi 30-sentabrdan boshlandi va uning displeyi hamda metal ramkasi orasida bo‘shliq borligi aniqlandi. Hozircha Samsung kompaniyasi ushbu muammo haqida to‘liq ma’lumot bermagan.
Izoh (0)