Iste’dodli tennischi Shonig‘mat Shofayziyev Turkiyaning Antaliya shahrida davom etayotgan tennis turnirining juftliklar musobaqasida yarim final yo‘llanmasini qo‘lga kiritdi, deb xabar bermoqda “Olamsport”.
Janubiy koreyalik Dak Xi Li bilan to‘rtinchi raqamli juftlik hosil qilgan Shonig‘mat chorak finalda shveysariyalik tennischilar — Belliyer va Bodmerdan 6:1, 6:4 hisobida ustun keldi.
Endi final ostonasida Shofayziyev va Li yaponiyalik tennischilar Xiroyasu Ixara va Katsuki Nagaodan iborat tandem bilan hisob-kitob qiladi.
“Fyuchers” turnirining mukofot jamg‘armasi 10 ming AQSh dollarini tashkil qiladi.
Avvalroq Shonig‘mat Shofayziyev ushbu turnirning yakkalik bahslarida yaponiyalik Katsuki Nagaoga imkoniyatni boy bergan edi.
Izoh (0)