Namangan viloyat kardiologiya markazi eng yangi qurilma — angiografga ega bo‘ldi, deya xabar berdi Uzinform. Avvalroq bunday texnika faqat poytaxtda bor edi.
Angiograf tomirlardagi jarayonlarni yuqori sifatli tasvirlarda ko‘rsatib beruvchi rentgen tizimidir, bu yurak va qon-tomir tizimida bo‘layotgan nosog‘lom o‘zgarishlarni o‘z vaqtida aniqlash imkonini beradi.
700 ming dollarlik qurilma Namangan kardiologiya markaziga O‘zbekiston Respublikasi Prezidentining “Namanganni obodonlashtirish va ijtimoiy infratuzilmasini rivojlantirish bo‘yicha chora-tadbirlar dasturi to‘g‘risida”gi qaroriga muvofiq keltirildi. Shuningdek, ushbu hujjat doirasida kardiologiya markaziga 30 turdagi tibbiy uskunalar yetkazib berildi.
Angiografni Turkiya va Rossiyadan kelgan mutaxassislar o‘rnatishdi, ular markaz kardiolog shifokorlari uchun mahorat darslarini ham o‘tkazishdi.
Izoh (0)