May oyi oxirida sotuvi boshlangan LG G3 flagmani kompaniyaning 10 million dona sotilgan ilk smartfoni bo‘lishi kutilmoqda. Bu haqda Phonearena.com sayti ma’lumotiga asoslanib “Parol” nashri xabar berdi.
The Korea Times nashrining ma’lumotiga ko‘ra, LG kompaniyasi LG G3 smartfoni 10 million donaga yaqin sotilganini tasdiqlagan. Biroq, sotilgan smartfonlar soni qachon aynan 10 millionga yetishi haqida xabar berilmagan.
LG G3 smartfonining sotuv ishlari boshlanishi kompaniyaning ikkinchi chorakda sotgan smartfonlari sonini 14,5 millionga yetkazib olishi uchun xizmat qilgan. Shuningdek, LG G3’ning arzonroq – G3 s va G3 Stylus kabi variantlari ham taqdim etilgan.
Eslatib o‘tamiz, LG G3 smartfoni hozirda butun dunyo bo‘ylab sotilmoqda. Uning O‘zbekistondagi narxi 1 800 000 so‘mni tashkil etadi.
Izoh (0)