Opera va Microsoft kompaniyalari Opera Mini Nokia telefonlarida asosiy internet brauzeri bo‘lishi haqida shartnoma imzolashdi. Bu haqda Reuters axborot agentligi ma’lumotiga asoslanib “Parol” nashri xabar berdi.
Shartnomaga ko‘ra, endilikda ishlab chiqariladigan Series 30+, Series 40 va Asha lineykasidagi telefonlarga Opera Mini asosiy internet brauzeri sifatida o‘rnatiladi. Ushbu telefonlardan foydalanayotganlar uchun esa Xpress brauzeridan Opera Mini’ga o‘tish tavsiya qilinadi.
“Bu biz uchun katta shartnoma, biz buni 10 yillardan beri orzu qilar edik”, — deydi Opera kompaniyasi rahbari Lars Boilsesen.
Hozirda 250 milliondan ortiq qurilmalarda Opera Mini brauzeri o‘rnatilgan va ularning 100 milliontasi Android operatsion tizimida ishlaydi. Windows Phone operatsion tizimida ishlaydigan Nokia qurilmalari uchun ham Opera Mini asosiy internet brauzeri bo‘lishi haqida shartnoma imzolanadimi, yo‘qmi noma’lum. Hozirda Windows Phone qurilmalari uchun Internet Explorer’ning mobil versiyasi asosiy internet brauzeri hisoblanadi.
Izoh (0)