Facebook ijtimoiy tarmog‘i lentadagi xabarlarni keyinroq o‘qish imkoniyatini beruvchi Save tugmasini ishga tushiradi. Bu haqda news2night.com sayti ma’lumotiga asoslanib “Parol” nashri xabar berdi.
Ijtimoiy tarmoq lentasida biror qiziqarli xabarga ko‘zingiz tushdi-yu, lekin uni o‘qishga vaqtingiz yetmay qoldi. Keyin vaqt topib kirganingizda aynan o‘sha xabarni tarmoqdan topa olishingiz qiyinlashadi. Shu bois Facebook ishga tushirishni rejalashtirayotgan Save tugmasi sizga yordam beradi.
Save tugmasi yordamida sayt linklari, sahifalar, joylar, musiqa, film, televideniya ko‘rsatuvlari va boshqalar saqlab qo‘yiladi. Saqlab qo‘yilgan xabarlar esa menyudagi Saved bo‘limidan topiladi.
Xabarda ta’kidlanishicha, funksiya saytning kompyuter versiyasida ham, iOS va Android uchun mo‘ljallangan mobil dasturlarida ham ishlaydi. Shuningdek, saqlab qo‘yilgan, lekin o‘qilmagan xabarlar haqida Facebook sizni ogohlantiradi.Yaqin kunlar ichida tarmoqning barcha a’zolari bu funksiyadan foydalanishi mumkin bo‘ladi.
Izoh (0)