Eng ko‘p daromad topadigan sportchilar ro‘yxati e’lon qilindi

Forbes jurnali eng ko‘p daromad topadigan dunyo sportchilari reytingini e’lon qildi, deb Stadion.uz xabar berdi.

Forbes’ga ko‘ra, “katta dubulg‘a” turkumiga kiruvchi musobaqalarning 17 karra chempioni hisoblangan 32 yoshli shveysariyalik tennischi Rojer Federer va golf bo‘yicha jahonning 14 karra chempioni bo‘lgan 38 yoshli amerikalik Tayger Vuds reytingni boshqarmoqda.

Ma’lumotlarga ko‘ra, Federerning majburiy bo‘lmagan musobaqalarda ishtirok etishi tashkilotchilarga bir million dollarga tushsa, uning Nike bilan 10 yillik shartnomasi 100 million dollarga teng.

Ulardan keyingi o‘rinni AQShlik basketbolchi Lebron Jeyms egallagan bo‘lsa, futbolchilar — Krishtianu Ronaldu va Lionel Messi o‘ntalikka kirdi:

1. Rojer Federer (Shveysariya), tennis  46 million dollar1. Tayger Vuds (AQSh), golf — 46 million dollar2. Lebron Jeyms (AQSh), basketbol — 27 million dollar3. Fil Mikelson (AQSh), golf — 25 million dollar4. Mariya Sharapova (Rossiya), tennis — 23 million dollar5. Maxendra Singx Dxoni (Hindiston), kriket — 21 million dollar6. Useyn Bolt (Yamayka), yengil atletika — 20 million dollar7. Kobe Brayant (AQSh), basketbol — 19 million dollar8. Li Na (Xitoy), tennis — 15 million dollar9. Krishtianu Ronaldu (Portugaliya), futbol — 13 million dollar10. Lionel Messi (Argentina), futbol — 13 million dollar