Facebook ijtimoiy tarmog‘i ayrim Android foydalanuvchilarida yangi funksiyani sinovdan o‘tkazmoqda. Bu haqda TechCrunch sayti xabar berdi.
Sinovdagi funksiya Android operatsion tizimining yangi versiyasi — Android L’da ishlashi avval xabar qilingan ekran qulflangan paytda ham bildirishnomalarni qabul qilish funksiyasiga o‘xshaydi.
Facebook ishlab chiqayotgan yangi funksiya barcha Android versiyalari uchun mo‘ljallanadi. Shu bois u Android L’dagi o‘xshashidan ko‘ra yaxshiroq bo‘ladi.
Facebook bu funksiyani kichik guruhlarda tekshiruvdan o‘tkazayotganini tasdiqlagan bo‘lsa-da, biroq batafsil ma’lumot oshkor qilinmagan.
Ekran qulfangan paytda kelgan bildirishnomalarni o‘qish uchun uning ustiga bosish va ekran qulfini ochish kerak bo‘ladi. Agar o‘qish zarur deb bilinmasa, u holda xabarni ekran chetiga siljitib yuborish va ekranni qulflangan holatda qoldirish mumkin.
Izoh (0)