AQSh sobiq davlat kotibi Hillari Klinton 6-iyul, yakshanba kuni o‘zining Berlinga qilgan tashrifi davomida Angela Merkelni “Yevropaning eng buyuk yetakchisi” deb atadi. U Amerika ham bundan o‘rnak olgan holda mamlakatga ayol rahbarni saylashi kerakligini aytdi. Ammo, Klinton rahbarlik lavozimga o‘zi da’vogarlik qilayotganini tasdiqlamadi. Bu haqda Reuters axborot agentligi xabar qiladi.
Berlin teatrida o‘zining Hard Choices (“Murakkab choralar”) kitobini targ‘ib qilish maqsadida so‘zga chiqqan Klinton Rossiya prezidenti Vladimir Putinni “ancha yupqa teriga ega pishiq mijoz”, deb atadi.
Sobiq prezident bo‘lmish Bill Klintonning ayoli va sobiq senator Hillary Klinton 2016-yilgi prezident saylovlarida qatnashishi kutilmoqda.
“Menimcha, biz ayollar va erkaklar o‘rtasida tengsizlikni yo‘q qilishga tayyormiz”, — dedi Klinton Germaniyaning Bild am Sonntag gazetasiga bergan intervyusida.
Intervyuda Klinton prezident bo‘lishga tayyor yoki tayyor emasligini keyingi yil boshlarigacha o‘ylab ko‘rishini ta’kidlagan.