Misr sudi “Musulmon birodarlar” uyushmasi yetakchisi Muhammad Badiani bir umrlik qamoq jazosiga hukm qildi. Bu haqda davlat televideniyesiga asoslanib, “ITAR-TASS” xabar berdi.
Avvalroq Misr jinoyat sudi 180 dan oshiq aqidaparastlar, jumladan Muhammad Badiani o‘limga mahkum etgani xabar berilgan edi.
Eslatib o‘tamiz, “Musulmon birodarlar” harakati ko‘magida hokimiyat tepasiga kelgan prezident Muhammad Mursiy, uning siyosatiga qarshi aksiyalardan so‘ng 2013-yilning iyul oyi boshida Misr harbiylari tomonidan amalidan olib tashlangan edi. Mursiy va “Musulmon birodarlar” a’zolari esa qamoqqa olingan edi. Mursiyning tarafdorlari uning hokimiyatga qaytarilishini talab qila boshladi.
14-avgustda sobiq prezident tarafdorlari lagerlarining harbiylar tomonidan tarqatib yuborilishi chog‘ida bir necha yuz kishi halok bo‘lgan va mamlakatda favqulodda holat e’lon qilingan edi. Sentabr oxirida esa Misrda “Musulmon birodarlar” harakati faoliyati rasman taqiqlandi. 25-dekabr kuni esa Misr vazirlar mahkamasi “Musulmon birodarlar”ni rasman terroristik tashkilot deb e’lon qildi.
Izoh (0)