MTV’ning sa’y-harakatlari tufayli 2007-yilda sodir bo‘lgan, Nokia kompaniyasi bilan bog‘liq qiziq voqea fosh qilindi. O‘shanda firibgarlar kompaniyadan tovlamachilik yo‘li bilan bir necha million yevro undirishgan. Bu haqda Mail.ru xabar berdi.
Qayd etilishicha, firibgar (yoki firibgarlar to‘dasi) qandaydir yo‘l bilan dasturlar yozish uchun qo‘llaniladigan Symbian operatsion tizimi shifrlash kalitini qo‘lga kiritadilar. Ma’lumot bir necha kilobaytni tashkil qilsa-da, uning qiymati tengsiz edi. Firibgarlar ushbu kalit bilan o‘sha davrdagi eng ommabop operatsion tizim uchun zararli dasturlarni ishlab chiqishi va uni tarqatishi mumkin edi.
Firibgarlar bu ma’lumotlarni tarqatmaslik uchun Nokia kompaniyasidan bir necha million yevro talab qilishgan.
Nokia’ning huquq-tartibot xodimlariga yordam so‘rab qilgan murojaati foyda bermagan. Finlyandiyaning Tamper shahrida ayirboshlash operatsiyasi bo‘lib o‘tadi, biroq firibgarlar politsiya kuzatuvidan ustalik bilan qutulib qolishadi. Ularga hozirga qadar qidiruv e’lon qilingan.
Firibgarlar o‘z so‘zlarida turdilar va ma’lumotni tarqatmadilar. Shunga qaramay, bu Symbian operatsion tizimini qutqarib qola olmadi. Bir necha yildan so‘ng ushbu operatsion tizim Android va iOS’larning raqobatiga dosh bera olmay, bozorni tark etdi.
Izoh (0)