2014-yilning 13-iyun kuni Toshkent shahrida Samsung Electronics kompaniyasi o‘ziga xos suratga olish imkoniyatlariga ega bo‘lgan yangi Samsung Galaxy K Zoom smartfoni taqdimotini o‘tkazdi, deb xabar berdi Samsung Uzbekistan kompaniyasi.
Ushbu smartfonga optik stabilizator va kuchli kattalashtiruvchi qism o‘rnatilgan. U tajribali hamda havaskor fotosuratchilarga suratlarni tez va yuqori sifatli qilib tasvirga tushirishga yordam beradi. Yangi smartfon O‘zbekistonda iyun oyidan sotuvga chiqariladi.
— Biz yangi smartfonni foydalanuvchilarning eng so‘nggi talablarini inobatga olgan holda ishlab chiqdik, — deydi Mobile Communications Business kompaniyasi vitse-prezidenti Min Shin Vung. — Ushbu smartfon hayotning eng go‘zal lahzalarini fotosuratlarda aks ettirishga yordam beradi.
Mutaxassislarning ta’kidlashicha, Galaxy K Zoom uni boshqarishdagi qulayliklari va suratga olish parametrlari bo‘yicha professional kameralardan qolishmaydi. Zamonaviy texnologiya samarasida obyektivi harakatga keltiriluvchi yangi smartfon korpus hajmini o‘zgartirmasdan 10 marta ko‘p optik kattalashtiruvchi zumga ega bo‘ldi.
20,7-megapikselli BSI CMOS matritsa kam yoritilgan sharoitdagi tasvirlar uchun ham zarur yorug‘likni, optik stabilizator esa harakatlanayotgan obyektni suratga olishdagi aniqlikni ta’minlaydi.
Full HD formatidagi foto va video tasvirlar kam yoritilgan holatlar va yaqindan tushirilgan vaqtda ham sifatli bo‘ladi. Smartfonning “vspishka”si oddiy diod chiroqli “vspishka”dan kuchli bo‘lgani uchun ranglarning tiniq va aniq bo‘lishiga ta’sir ko‘rsatadi.
Yangi smartonning avtomat ravishda ishlaydigan tizimlari tasvirni tez va yaqqol tushirishga yordam beradi.Shu bilan birga, smartfondagi Pro Suggest tartibi filtrning 10 ta optimal holatini tanlashga sharoit yaratadi. Selfie Alarm esa avtoportretni tez va soz tayyorlashga zamin yaratadi.
Shuningdek, Samsung Galaxy K Zoom – yangi smartfonning o‘ziga xos afzalliklaridan biri Galaxy flagman chiziqlaridir. Energiyaning maksimal holati smartfonning uzoq vaqt ishlashini ta’minlaydi. S Health Lite esa foydalanuvchilar uchun personal fitnes-trener vazifasini bajaradi. Studio tizimi vositasida foto va video tasvirlarga o‘zgartish kiritish mumkin.
Izoh (0)