Тошкентда янги Samsung Galaxy К Zoom смартфонининг тақдимоти ўтказилди

2014 йилнинг 13 июнь куни Тошкент шаҳрида Samsung Electronics компанияси ўзига хос суратга олиш имкониятларига эга бўлган  янги Samsung Galaxy К Zoom смартфони тақдимотини ўтказди, деб хабар берди Samsung Uzbekistan компанияси.

Ушбу смартфонга оптик стабилизатор ва кучли катталаштирувчи қисм ўрнатилган. У тажрибали ҳамда ҳаваскор фотосуратчиларга суратларни тез ва юқори сифатли қилиб тасвирга туширишга ёрдам беради. Янги смартфон Ўзбекистонда июнь ойидан сотувга чиқарилади.

— Биз янги смартфонни фойдаланувчиларнинг энг сўнгги талабларини инобатга олган ҳолда ишлаб чиқдик, — дейди Mobile Communications Business компанияси вице-президенти Мин Шин Вунг. — Ушбу смартфон ҳаётнинг энг гўзал лаҳзаларини фотосуратларда акс эттиришга ёрдам беради.

Мутахассисларнинг таъкидлашича, Galaxy К Zoom уни бошқаришдаги қулайликлари ва суратга олиш параметрлари бўйича профессионал камералардан қолишмайди. Замонавий технология самарасида объективи ҳаракатга келтирилувчи янги смартфон корпус ҳажмини ўзгартирмасдан 10 марта кўп оптик катталаштирувчи зумга эга бўлди.

20,7-мегапикселли BSI CMOS матрица кам ёритилган шароитдаги тасвирлар учун ҳам зарур ёруғликни, оптик стабилизатор эса ҳаракатланаётган объектни суратга олишдаги аниқликни таъминлайди.

Full HD форматидаги фото ва видео тасвирлар кам ёритилган ҳолатлар ва яқиндан туширилган вақтда ҳам сифатли бўлади. Смартфоннинг «вспишка»си оддий диод чироқли «вспишка»дан кучли бўлгани учун рангларнинг тиниқ ва аниқ бўлишига таъсир кўрсатади.

Янги смартоннинг автомат равишда ишлайдиган тизимлари тасвирни тез ва яққол туширишга ёрдам беради.Шу билан бирга, смартфондаги Pro Suggest тартиби филтрнинг 10 та оптимал ҳолатини танлашга шароит яратади. Selfie Alarm эса автопортретни тез ва соз тайёрлашга замин яратади.

Шунингдек, Samsung Galaxy К Zoom – янги смартфоннинг ўзига хос афзалликларидан бири Galaxy флагман чизиқларидир. Энергиянинг максимал ҳолати смартфоннинг узоқ вақт ишлашини таъминлайди. S Health Lite эса фойдаланувчилар учун персонал фитнес-тренер вазифасини бажаради. Студио тизими воситасида фото ва видео тасвирларга ўзгартиш киритиш мумкин.