Bugun 8-yo‘nalishda harakatlanayotgan “Tatra” tramvayi relsdan chiqib ketdi va beton ustunga borib urildi. Ustun esa Spark avtomobili ustiga qulab tushdi. Halokat natijasida bir necha kishi jarohatlandi. Bu haqda “Noviy vek” nashri respublika ichki ishlar vazirligi ma’lumotiga tayanib xabar berdi.

10478125_646416508766903_513985188405490239_n

Foto: facebook.com/groups/voditeli/

Vazirlikdagilarning ta’kidlashicha, tramvay Oqtepa maydonidan Samarqand Darvoza ko‘chasiga qarab harakatlanayotgan bo‘lgan. Muyulishda u relsdan chiqib ketgan.

1623265_646416555433565_2310819572861617758_n

Foto: facebook.com/groups/voditeli/

Tramvay zarbi natijasida qulagan ustun tramvay bilan parallel ravishda harakatlanayotgan Spark avtomobilining orqa qismiga tushgan. Avtomobilda ham jabrlanganlar bor.

Ushbu hodisa bo‘yicha tergov ishlari boshlab yuborildi.