Bugun,

  • USD 11095.31
  • RUB 173.84
  • EUR 10772.44

O‘zbekiston Milliy matbuot markazida Toshkent shahrida yangi ish o‘rinlari yaratish, kasb-hunar kollejlari bitiruvchilari va mehnat bilan band bo‘lmagan aholini ish bilan ta’minlash masalalariga bag‘ishlangan matbuot anjumani o‘tkazildi.

Foto: O‘zA

Foto: O‘zA

2014-yilda poytaxtda 91 mingga yaqin ish o‘rni yaratilishi ko‘zda tutilgan. Ular asosan yangi ishlab chiqarish obyektlarini ishga tushirish, mavjud korxonalarni kengaytirish va quvvatlarni yangilash, kichik korxonalar va mikrofirmalarni tashkil etish, yakka tartibdagi tadbirkorlik, uy mehnatining barcha shakllari, ishlab chiqarish, ijtimoiy va bozor infratuzilmasini rivojlantirish, ishlamay turgan korxonalar faoliyatini tiklash hisobiga barpo etiladi.

Joriy yilning may oyiga qadar shaharda qariyb 30 mingga yaqin ish o‘rni tashkil etilgan bo‘lib, ularning 17 ming 200 dan ziyodi xotin-qizlar uchun mo‘ljallangan. Tumanlardagi bandlikka ko‘maklashish va aholini ijtimoiy muhofaza qilish markazlari orqali 19 ming nafarga yaqin band bo‘lmagan aholi ishga joylashtirildi. Yaratilayotgan ish o‘rinlarining qariyb 75 foizi kichik biznes va xususiy tadbirkorlikni rivojlantirish hisobiga to‘g‘ri kelmoqda.

Anjumanda ta’kidlanganidek, aholi, ayniqsa, yoshlarning bandligini ta’minlashda mahalla fuqarolar yig‘inlari va boshqa jamoat tashkilotlari o‘rtasidagi ijtimoiy hamkorlik yaxshi samara bermoqda. Xususan, joriy yilning o‘tgan davrida mahalla fuqarolar yig‘inlari tomonidan 18 mingdan ortiq vaqtincha ishsiz fuqaro aniqlanib, ularning 11 ming 728 nafari ishga joylashtirildi. Korxona va tashkilotlardagi mavjud bo‘sh ish o‘rinlari to‘g‘risidagi ma’lumotlar Mehnat va aholini ijtimoiy muhofaza qilish vazirligi, Toshkent shahar hokimligining rasmiy veb-saytlarida doimiy joylashtirib borilmoqda. Shu bilan birga, har bir mahallada joriy etilgan “Mehnat burchaklari”da band bo‘lmagan aholi uchun bo‘sh ish o‘rinlari to‘g‘risidagi ma’lumotlar taqdim etilmoqda.

Ayni kunda poytaxtimizda 41 akademik litsey, 79 kasb-hunar kolleji faoliyat ko‘rsatayotir. Joriy yilda mavjud kollejlarni 35 ming 550 nafar yosh tamomlaydi. Ularning 90 foizdan ortig‘i bilan uch taraflama shartnomalar tuzilgan. Korxona va tashkilotlar tomonidan ushbu shartnomalar asosida yoshlarni ish bilan ta’minlash bo‘yicha kompleks chora-tadbirlar amalga oshirilmoqda. Doimiy tarzda o‘tkazilayotgan “Ta’lim va mutaxassislik” ko‘rgazmasi, mehnat yarmarkalari yoshlarning bandligini ta’minlashda alohida ahamiyat kasb etmoqda.

Izoh
Asosiy yangiliklar
Mahalliy
Turkmaniston O‘zbekistonga tekinga gaz yetkazib beradi 
Mahalliy
Toshkentda ko‘prik ustidagi “Gazel” yonib ketdi (video)
Biznes
Rossiyadan Osiyoga ko‘mir eksporti narxi oshgani ma’lum qilindi