Koreyaning LG kompaniyasi nazorati ostidagi LG U+ operatori hozircha rasman taqdim etilmagan LG G3 smartfoniga tegishli tafsilotlarni tasodifan oshkor qildi. Bu haqda Mail.ru xabar berdi.
Tarqalgan ma’lumotlarga ko‘ra, Koreya operatori LG G3’ni uchta — oq, qora va oltin ranglarida sotishni rejalashtirmoqda. Ularning narxi 635 dollarni tashkil etadi. Bunda gap operator tarmog‘iga ulangan smartfonlar haqida ketayotgan bo‘lishi mumkin.
LG G3 5,5 dyuymli 2560×1440 pikselli displey, to‘rt yadroli Qualcomm Snapdragon 805 protsessori, 3 Gb tezkor, 16/32 Gb ichki xotira, 13 megapikselli old kamera hamda 3000 mAh sig‘imidagi akkumulyator bilan jihozlangan.
27-may kuni yangi smartfon San-Fransisko, Nyu-York va Londonda, bir kundan keyin Seul, Singapur va Istanbulda taqdim etiladi.
Izoh (0)