Google korporatsiyasi 3D-suratlarni tushira oladigan planshet ishlab chiqmoqda, deya xabar berdi Gazeta.ru The Wall Street Journal tarqatgan ma’lumotga tayanib.
Nashrning manbasi ta’kidlashicha, qurilma 7 dyuymli displey, orqa paneldagi ikkita kamera, infraqizil uzoqlik datchiklari va eng so‘nggi dasturiy ta’minot bilan jihozlanadi. Bunday planshetlar obyektlarning aniq uch o‘lchamli suratini muhrlay oladi.
Google iyundan boshlab bunday qurilmalardan 4 mingtaga yaqinini ishlab chiqaradi. Ushbu planshetlar kompaniyaning Project Tango tadqiqot loyihasi doirasida ishlab chiqilmoqda.
Yangi planshet iyun oxiriga mo‘ljallangan Google ishlab chiquvchilari uchun an’anaviy anjuman arafasida taqdim etilishi mumkin.
Izoh (0)