Кореянинг LG компанияси назорати остидаги LG U+ оператори ҳозирча расман тақдим этилмаган LG G3 смартфонига тегишли тафсилотларни тасодифан ошкор қилди. Бу ҳақда Mail.ru хабар берди.
Тарқалган маълумотларга кўра, Корея оператори LG G3’ни учта — оқ, қора ва олтин рангларида сотишни режалаштирмоқда. Уларнинг нархи 635 долларни ташкил этади. Бунда гап оператор тармоғига уланган смартфонлар ҳақида кетаётган бўлиши мумкин.
LG G3 5,5 дюймли 2560×1440 пикселли дисплей, тўрт ядроли Qualcomm Snapdragon 805 процессори, 3 Гб тезкор, 16/32 Гб ички хотира, 13 мегапикселли олд камера ҳамда 3000 mAh сиғимидаги аккумулятор билан жиҳозланган.
27 май куни янги смартфон Сан-Франциско, Нью-Йорк ва Лондонда, бир кундан кейин Сеул, Сингапур ва Истанбулда тақдим этилади.
Изоҳ (0)