Farg‘onalik kurashchilar O‘zbekiston chempionatida birinchi o‘rinni egalladi

Navoiyda 1996—1997-yillarda tug‘ilgan o‘smirlar va qizlar o‘rtasida belbog‘li kurash bo‘yicha O‘zbekiston chempionati yakunlandi. Bu haqda O‘zA xabar berdi.

Unda Qoraqalpog‘iston Respublikasi va viloyatlardan 300 nafarga yaqin sportchi g‘oliblik uchun o‘zaro kuch sinashdi. Yakuniy natijalarga ko‘ra, Farg‘ona viloyati jamoasi birinchi, navoiyliklar ikkinchi, namanganlik yoshlar uchinchi o‘rinni egalladi.

– Viloyatimiz sharafini munosib himoya qilganimdan xursandman, – deydi 60 kilogramm vazn toifasida g‘olib bo‘lgan navoiylik Sherzod Shirinov. – Bu g‘alaba menga juda katta mas’uliyat yuklaydi. Kelajakda xalqaro miqyosda eng yuqori natijalarga erishishni maqsad qilganman.