Andijonda yangi ixtisoslashgan qilichbozlik majmuasi poydevoriga birinchi g‘isht qo‘yildi. Bu haqda “Pravda Vostoka” gazetasi xabar berdi.
O‘zbekiston Qilichbozlik federatsiyasi raisi S. Ro‘ziyevning aytishicha, ushbu muassasa qurilishi Prezidentning “O‘zbekiston sportchilarini 2016-yilda Rio-de-Janeyro shahridagi XXXI yozgi Olimpiada va XV Paralimpiada o‘yinlariga tayyorlash to‘g‘risida”gi qarorini amalga oshirish doirasida boshlangan.
“Haqiqiy qilichbozlik saroyini Andijonda qurish g‘oyasi shunchaki tasodif emas, — dedi S. Ro‘ziyev. — O‘zbekiston terma jamoasining yarmidan ko‘pi andijonliklardir”.
Loyiha qiymati 4,5 milliard so‘mga teng bo‘lib, u Navoiy kon-metallurgiya kombinati tomonidan moliyalashtiriladi.
Izoh (0)