2014-yil fevralida Barselonada Samsung Galaxy S5 bilan birga taqdim etilgan Samsung Gear Fit fitnes-brasleti O‘zbekistonda sotuvga chiqdi. Bu haqda Mobinfo.uz xabar berdi.
Gear Fit Samsung kompaniyasining egilgan ko‘rinishdagi ekranga ega bo‘lgan biirnchi fitnes-brasletidir. U qadam o‘lchagich, puls o‘lchagich funksiyalariga ega va smartfondagi bildirishnomalardan xabardor qilib turadi (qo‘ng‘iroqlar va SMS’larga tezkor javob). Qurilma orqali mashqlar rejimiga onlayn ulanish va individual tavsiyalarga ega bo‘lish mumkin. Bundan tashqari, u orqali musiqa pleyerini ham boshqarish mumkin. Braslet chang va namlikdan himoyaga ega.Fitnes-treker 1,84 dyuymli egilgan Super AMOLED ekrani, 210mA/a hajmidagi akkumulyator bilan jihozlangan. U bir marta zaryad olgach, 5 kungacha ishlab berishi mumkin.
Toshkentning “Fleshka” savdo majmuasida Gear Fit 750 ming so‘mga sotilmoqda. Ishlab chiquvchilar bergan ma’lumotga ko‘ra, braslet Samsung’ning 20 ta smartfonlari va planshetlari bilan ulana oladi. Bular:
- Samsung Galaxy S5;
- Samsung Galaxy S4;
- Samsung Galaxy S4 mini;
- Samsung Galaxy S4 Active;
- Samsung Galaxy S4 Zoom;
- Samsung Galaxy Note 3;
- Samsung Galaxy Note 3 Neo;
- Samsung Galaxy Grand 2;
- Samsung Galaxy Mega 6.3;
- Samsung Galaxy Mega 5.8;
- Samsung Galaxy Note 2;
- Samsung Galaxy S3;
- Samsung Galaxy Tab 4 10.1;
- Samsung Galaxy Tab 4 8.0;
- Samsung Galaxy Tab 4 7.0;
- Samsung Galaxy Tab Pro 12.2;
- Samsung Galaxy Tab Pro 10.1;
- Samsung Galaxy Tab Pro 8.4;
- Samsung Galaxy Note Pro 12.2
- Samsung Galaxy Note 10.1 2014 Edition
Izoh (0)