Bugun,

  • USD 11095.31
  • RUB 173.84
  • EUR 10772.44

Toshkentdagi “Turkiston” saroyida Sog‘lom bola yiliga bag‘ishlab “‘Farhod’ javohirlari” konsert dasturi bo‘lib o‘tdi. Navoiy kon-metallurgiya kombinati tomonidan tashkil etilgan ushbu tadbirdan kombinatga qarashli “Farhod” madaniyat saroyining eng yaxshi ijodiy jamoalari, raqs dastalari va ansambllarining chiqishlari o‘rin oldi. Bu haqda O‘zA xabar berdi.

“‘Farhod’ javohirlari” konsertida. Foto: O‘zA

“‘Farhod’ javohirlari” konsertida. Foto: O‘zA

Navoiy kon-metallurgiya kombinati huzurida sakkizta madaniyat saroyi va klub faoliyat yuritib, ularda besh mingdan ziyod kishi shug‘ullanmoqda. Turli yoshdagi 1600 nafardan ziyod kishini birlashtirgan “Farhod” madaniyat saroyi shunday muassasalardan biridir.

25 ijodiy jamoasi xalq va namunali jamoa unvonlariga egaligi, ikki nafar ijrochi “Nihol”, yana biri Zulfiya nomidagi Davlat mukofotiga sazovor bo‘lgani madaniyat saroyining nechog‘li samarali faoliyat ko‘rsatayotganidan dalolat beradi.

“‘Farhod’ javohirlari” konsertida. Foto: O‘zA

“‘Farhod’ javohirlari” konsertida. Foto: O‘zA

“Farhod” madaniyat saroyining “Shirin”, “Marvarid”, “Baxtli bolalik”, “Sonata” kabi xoreografiya ansambllari mamlakat miqyosidagi bayramlar va boshqa madaniy tadbirlarning teatrlashtirilgan tomoshalarida muntazam ishtirok etib kelmoqda.

“‘Farhod’ javohirlari” konsertiga poytaxtdagi mehribonlik uylari tarbiyalanuvchilari, urush va mehnat faxriylari, talabalar hamda ixtisoslashgan madaniyat va san’at ta’lim muassasalari o‘quvchilari, kam ta’minlangan oilalar farzandlari taklif etildi.

“‘Farhod’ javohirlari” konsertida. Foto: O‘zA

“‘Farhod’ javohirlari” konsertida. Foto: O‘zA

– “Turkiston” saroyida ikki yildan buyon o‘z san’atimizni namoyish etib kelmoqdamiz. Namoyishlar chog‘ida tomoshabinlar chehrasida xursandchilikni ko‘rish biz uchun eng katta mukofotdir, – deydi “Baxtli bolalik” xalq xoreografiya ansambli ishtirokchisi Z. Soliyeva. – Ko‘p yillardan buyon “Farhod” madaniyat saroyida shug‘ullanib kelaman va bu yer mening ikkinchi uyimga aylangan.

“Farhod” madaniyat saroyi ko‘rgazmasida. Foto: O‘zA

“Farhod” madaniyat saroyi ko‘rgazmasida. Foto: O‘zA

Shuningdek, “Turkiston” saroyi foyyesida “Farhod” madaniyat saroyi huzuridagi Bolalar ijodiyot markazi tarbiyalanuvchilarining ko‘rgazmasi ham tashkil etildi. Unda bolalar tomonidan tayyorlangan haqiqiy san’at asarlari – sopol buyumlar, biserlar, tikilgan va to‘qilgan buyumlar, boshqariladigan avia va kema modellari namoyish etildi.

Izoh
Asosiy yangiliklar
Dunyo
Eron oliy rahnamosi Yevropa davlatlarida Qur’onning yoqib yuborilishiga munosabat bildirdi  
Moliya
2022-yilda O‘zbekistonga pul o‘tkazmalari rekord darajadagi 17 mlrd dollarga yetdi
Mahalliy
Fotogalereya: O‘zbekiston va Qirg‘iziston o‘rtasidagi tarixiy aloqalar