Ikki nafar giyohvand uchinchi sheriklarini o‘ldirib, “kayf” qilib yurganida huquqni muhofaqa qilish organi xodimlari tomonidan qo‘lga olindi. Bu haqda “Pravda Vostoka” gazetasi xabar berdi.

Giyohvand moddalar va ichkilikka berilgan Andrey umrining ko‘p qismini qamoqxonada o‘tkazgan.

Yaqin sherigi Baxtiyor bilan vino ichib o‘tirganida ularga uchinchi sherik — Said kelib qo‘shilgan. Maishatparastlar birgalikda bir nechta shishani bo‘shatgan. So‘ng Said Andreydan “doza” talab qilgan, mushtlashish boshlangan va natijada u o‘ldirilgan.

Andrey Baxtiyorni o‘ziga “yordam” berishga ko‘ndirgan, birgalikda murda va barcha dalillardan qutulishgan. Sheriklar Ohangaronga kelib, giyohvand moddalar qabul qilayotgan vaqtida huquqni muhofaza qilish organi xodimlari tomonidan tutib olingan.