Xalq ta’limi vazirligi, moliya vazirligi, madaniyat va sport ishlari vazirligi hamda Matbuot va axborot agentligining birgalikdagi qarori bilan Umumta’lim maktablarini darsliklar va o‘quv-metodik qo‘llanmalar bilan ta’minlash tartibi to‘g‘risidagi nizom tasdiqlandi.
Yangi nizomga ko‘ra, umumta’lim maktablari qatoriga davlatga tegishli umumiy o‘rta ta’lim maktablari, maktab-internatlar va ixtisoslashgan maktablardan tashqari maxsus maktablar va nodavlat umumta’lim maktablari ham kiritildi.
Nizomda barcha sinflar o‘quvchilari va o‘qituvchilarini darsliklar va o‘quv-metodik qo‘llanmalar bilan ta’minlash, chet tili darsliklarini bepul tarqatish, umumta’lim maktablarining kutubxona fondidan darsliklarni ijaraga berish ko‘zda tutilgan.
Shuningdek, hujjatda belgilanishicha, nodavlat umumta’lim maktablari Moliya vazirligi qoshidagi Respublika kitob fondi vositalari yordamida ijara to‘lovi asosida o‘zining 2—9-sinf o‘quvchilarini ta’minlashi mumkin.
Umumta’lim maktablarining birinchi sinf o‘quvchilari uchun darsliklar har yili, 2—4-sinflar uchun ikki yilda bir marta va 5—9-sinflar uchun to‘rt yilda bir marta yangilanadi.
Umumta’lim maktablarining 2—4-sinf o‘quvchilari uchun chet tillari bo‘yicha darsliklarning ish daftarlari har yili yangilanadi.
Izoh (0)