Toshkentga Markaziy Osiyo bo‘ylab o‘tkazilayotgan turne doirasida Moskvaning Yuriy Nikulin nomidagi mashhur sirki tashrif buyurdi. Ijodiy jamoa muxlislarni suv ustidagi chiqishlarni tomosha qilishga taklif etmoqda. Bu haqda Uzbekistan Today xabar qildi.
May so‘ngiga qadar O‘zbekiston Davlat sirki maneji basseynga aylantiriladi. Chiqishlar uchun sirk arenasida maxsus uskuna o‘rnatildi. Manejda 150 tonna suv bilan to‘ldirilgan va 15 metrlik fontanga ega basseyn paydo bo‘ldi. Mazkur sun’iy suv havzasiga zamonaviy suv tozalash va dezinfeksiya qilish tizimi o‘rnatildi. Shuningdek, lazer-shou tashkil etish uchun maxsus jihozlar o‘rnatildi.
Dasturdan suv ustida balet, turli attraksionlar, akrobat va gimnastlar, masxarabozlar chiqishlari o‘rin olgan.
Shou-dasturda “Minuta slavi” (“Mashhurlik daqiqasi”) ko‘rsatuvi finalchilari ham ishtirok etadi.
Izoh (0)