Toshkentning Yangihayot tumanida 14-aprel kuni “uchastkavoy” pichoqlangani haqida xabar berilgan edi. Holat yuzasidan Bosh prokuratura matbuot xizmati munosabat bildirdi.
Maʼlum qilinishicha, 14-aprel kuni Yangihayot tumani IIB XPB profilaktika inspektorlari bir xonadonda janjal bo‘layotgani haqidagi xabarga aniqlik kiritish maqsadida yetib kelgan.
Shu payt, xonadon egasi mast holda xizmat vazifasini bajarayotgan ichki ishlar xodimlariga qarshilik ko‘rsatib, profilaktika inspektorlaridan birining ko‘krak qafasiga oshxona pichog‘i bilan bir marotaba urib, tan jarohati yetkazgan.
Tan jarohati olgan profilaktika inspektori shifoxonaga olib borilgan va unga tibbiy yordam ko‘rsatilgan.
Mazkur holat yuzasidan Jinoyat kodeksining 105- (qasddan badanga o‘rtacha og‘ir shikast yetkazish) va 219- (hokimiyat vakiliga yoki fuqaroviy burchini bajarayotgan shaxsga qarshilik ko‘rsatish) moddalari bilan jinoyat ishi qo‘zg‘atilgan.
Tergov harakatlari olib borilmoqda.
Izoh (0)