Toshkent viloyatining Piskent tumanida sodir bo‘lgan YTH oqibatida ikki kishi halok bo‘ldi.
Viloyat IIBB matbuot xizmatining ma’lum qilishicha, 17-mart kuni soat 06:30 larda Toshkent—Bekobod avtomobil yo‘lida harakatlanib ketayotgan yuk mashinasi (dastlabki ma’lumotga ko‘ra haydovchisi uxlab qolishi natijasida) qarama qarshi yo‘nalishga chiqib ketib, Isuzu avtomobili bilan to‘qnashgan.
Oqibatda yuk transport vositasi haydovchisi va bir nafar yo‘lovchisi olgan tan jarohatlari sababli voqea joyida vafot etgan.
Zudlik bilan voqea joyiga Toshkent viloyati SSB xodimlari, viloyat IIBB, FVB va boshqa tashkilot mas’ullari jalb etilib, YTHning barcha ishtirokchilariga birinchi tibbiy yordam ko‘rsatilib, shifoxonaga yetkazilgan.
Ayni paytda voqea yuzasidan qo‘shimcha o‘rganish va zaruriy chora-tadbirlar ko‘rilmoqda.
Mart oyida sodir bo‘lgan YTHlar
Jizzaxda 13-mart kuni rulda uxlab qolgan Matiz haydovchisi yuk mashinasiga urilishi oqibatida halok bo‘lgandi. 12-mart kuni Toshkentda daraxtga urilgan Lacetti pachoqlanib ketdi. 7-mart kuni Navoiyda Damas va Cobalt to‘qnashishi oqibatida bir kishi jarohatlandi.
Izoh (0)