Bir kunda oilaning uch a’zosiga janoza o‘qildi: Samarqandda kelin o‘zi va bolalarini suvga tashladi

Samarqand viloyati Urgut tumanida kelin o‘zi va bolalarini suvga tashladi. Bosh prokuratura holat yuzasidan “Daryo”ga ma’lumot berdi.

Ma’lum qilinishicha, Urgut tumanida yashovchi fuqaro N.M.15-aprelda Samarqand viloyati IIB navbatchilik qismining 102 raqamiga murojaat qilgan. Unda N.M.ning kelini (Samarqand shahri, “Vatanparvar” mahallasi, Spirina ko‘chasida yashovchi) ikki nafar farzandi bilan 15:00 larda uyidan noma’lum tomonga chiqib ketganini ma’lum qilgan.

16-aprel kuni soat 08:00 larda Darg‘om kanalining Toyloq tumani, “G‘o‘lba” MFY hududidan oqib o‘tuvchi qismidan voyaga yetmagan qiz va o‘g‘il bolaning murdasi topilgan. Ayolning ham jasadi topilgan. 

Mazkur holat yuzasidan Toyloq tuman prokuraturasi tomonidan 16-aprelda Jinoyat kodeksining 97-moddasi 2-qismi “a” bandi bilan jinoyat ishi qo‘zg‘atildi.