Самарқанд вилояти Ургут туманида келин ўзи ва болаларини сувга ташлади. Бош прокуратура ҳолат юзасидан “Дарё”га маълумот берди.
Маълум қилинишича, Ургут туманида яшовчи фуқаро Н.М.15 апрелда Самарқанд вилояти ИИБ навбатчилик қисмининг 102 рақамига мурожаат қилган. Унда Н.М.нинг келини (Самарқанд шаҳри, “Ватанпарвар” маҳалласи, Спирина кўчасида яшовчи) икки нафар фарзанди билан 15:00 ларда уйидан номаълум томонга чиқиб кетганини маълум қилган.
16 апрель куни соат 08:00 ларда Дарғом каналининг Тойлоқ тумани, “Ғўлба” МФЙ ҳудудидан оқиб ўтувчи қисмидан вояга етмаган қиз ва ўғил боланинг мурдаси топилган. Аёлнинг ҳам жасади топилган.
Мазкур ҳолат юзасидан Тойлоқ туман прокуратураси томонидан 16 апрелда Жиноят кодексининг 97-моддаси 2-қисми “а” банди билан жиноят иши қўзғатилди.
Изоҳ (0)