Toshkent shahar Mirobod tumanida joylashgan markaziy ko‘chalardan birida asfalt o‘pirilib tushdi. Bu haqda tuman hokimligi matbuot xizmati xabar berdi.
Qayd etilishicha, Mirobod tumani hokimining ko‘rsatmasiga muvofiq, ayni vaqtda hokimlikning mutasaddi rahbarlari voqea joyiga yetib borgan.
Chuqur atrofi o‘rab olinib, mazkur muammoni bartaraf etish choralari ko‘rilayotganligini maʼlum qilamiz, — deyiladi xabarda.
Telegram’dagi TashkentLand kanalining yozishicha, asfaltning o‘pirilishiga issiqlik quvurida yuz bergan avariyaviy holat sabab bo‘lgan.
Mart oxirlarida Qarshi tumanida hashar yo‘li bilan qurilgan ko‘prik qulab tushgani to‘g‘risida xabar berilgandi. Fevralda ham Qashqadaryo viloyatidan o‘tuvchi avtomobil yo‘lidagi ko‘prik qulab tushgan edi. 2023-yil avgust o‘rtalarida Islom Karimov nomidagi Toshkent xalqaro aeroporti yaqinida yo‘l o‘tkazgichning beshta to‘sini qulab tushgandi. O‘zbekiston Transport prokuraturasi holat yuzasidan jinoiy ish ochilib, uch nafar mansabdor gumonlanuvchi sifatida ushlangan.
Izoh (0)