Toshkent shahri, Surxondaryo , Qashqadaryo, Namangan va Samarqand viloyatlari aholisi tez o‘sayotgani ma’lum qilindi.
Statistika agentligining dastlabki ma’lumotlariga ko‘ra, 1-aprel holatiga O‘zbekistonning doimiy aholisi qariyb 37 million kishini tashkil etgan. Bu ko‘rsatkich 2023-yilning shu davri bilan solishtirilganda 2,1 foizga ko‘paygan. Hududlar kesimida doimiy aholi sonining o‘sishi:
- Qoraqalpog‘iston Respublikasi — 1,4 foiz;
- Andijon viloyati — 2,1 foiz;
- Buxoro viloyati — 1,7 foiz;
- Jizzax viloyati — 2,1 foiz;
- Qashqadaryo viloyati — 2,2 foiz;
- Navoiy viloyati — 1,8 foiz;
- Namangan viloyati — 2,2 foiz;
- Samarqand viloyati — 2,2 foiz;
- Surxondaryo viloyati — 2,5 foiz;
- Sirdaryo viloyati — 1,9 foiz;
- Toshkent viloyati — 1,9 foiz;
- Farg‘ona viloyati — 2,1 foiz;
- Xorazm viloyati — 1,9 foiz;
- Toshkent shahri — 2,7 foiz.
O‘zbekistonning doimiy aholisi 22-aprel kuni 37 million kishiga yetdi.
Bugungi kun holatiga ko‘ra, O‘zbekistonda erkaklar soni 18 600 118 nafar, ayollar soni esa 18 344 815 nafarni tashkil qiladi.
O‘zbekistonda doimiy aholi soni 2022-yil dekabrda 36 milliondan oshgan edi. 2024-yilning fevraliga ko‘ra, respublikaning doimiy aholisi soni o‘tgan yilning mos davri bilan solishtirilganda 2,2 foizga ortgan bo‘lib, ularning 56,3 foizi mehnatga layoqatli yoshdagi fuqarolar hisoblanadi.
1-yanvar holatiga ko‘ra doimiy aholi tarkibidagi erkaklar soni ayollar sonidan 250 266 nafarga ko‘p.
Jahon banki ma’lumotlariga ko‘ra, 2020-yilda Markaziy Osiyoda o‘rtacha umr ko‘rish davomiyligi 71,8 yoshni tashkil etgan, bu Osiyo bo‘yicha 2,4 yilga (74,2 yosh) hamda jahondagi o‘rtacha umr davomiyligidan 7,9 yilga (79,7 yosh) kam.
Izoh (0)