2024-yilning 1-yanvar holatiga O‘zbekistonda 1 kilometr kvadrat yer maydoniga o‘rtacha 82 nafar doimiy aholi soni to‘g‘ri kelmoqda. Bu haqda Statistika agentligi matbuot xizmati xabar berdi.
Qayd etilishicha, bu o‘tgan yilning mos davriga nisbatan solishtirilganda o‘rtacha 1,8 kishiga ortgan (2023-yil 1-yanvar holatiga 1 kvadrat kilometrga 80,2 kishi).
2024-yilning 1-yanvar holatiga ko‘ra respublikamizning doimiy aholisi 36,8 million kishini tashkil etmoqda:
- shahar joylarda – 18 million 768,5 ming kishi;
- qishloq joylarda – 18 million 031,3 ming kishi.
Respublikaning doimiy aholisi soni o‘tgan yilning mos davri bilan solishtirilganda 2,2 foizga oshgan bo‘lib, ularning 56,3 foizi mehnatga layoqatli yoshdagi fuqarolar hisoblanadi. 1-yanvar holatiga ko‘ra doimiy aholi tarkibidagi erkaklar soni ayollar sonidan 250 266 nafarga ko‘p.
Izoh (0)