Toshkent shahar Mirzo Ulug‘bek tumanida beshta mashina ishtirokida YTH yuz berdi. Bu haqda YHXB axborot xizmati xabar berdi.
Unga ko‘ra, holat 9-sentyabr kuni soat 09:10 larda Mirzo Ulug‘bek tumani Mustaqillik shohko‘chasida sodir bo‘lgan. 2002-yilda tug‘ilgan O.T. boshqaruvidagi Cobalt, 1996-yilda tug‘ilgan F.Y. boshqaruvidagi Tracker-2, 1998-yilda tug‘ilgan T.Q. boshqaruvidagi Lacetti, 1993-yilda tug‘ilgan O.Z. boshqaruvidagi Nexia-3, 1984-yilda tug‘ilgan SH.A. boshqaruvidagi Skoda avtomashinalari to‘qnashgan.
Avtohalokat oqibatida tan jarohati olganlar yo‘q. Holat yuzasidan Toshkent shahar YHXB mas’ul xodimlari tomonidan surishtiruv harakatlari olib borilmoqda.
O‘zbekistonda 2023-yilda transport vositasini boshqarish huquqidan mahrum qilinganiga qaramay, qaytadan rulga o‘tirgan shaxslar 707 ta YTH sodir etgan. Buning oqibatda 212 nafar shaxs vafot etgan, 546 nafari esa turli darajadagi tan jarohatlari olgan.
2024-yilning birinchi yarmida O‘zbekiston bo‘yicha qonuniy ravishda o‘qib, haydovchilik guvohnomasiga ega bo‘lgan shaxslar tomonidan 10 million 200 mingdan ortiq qoidabuzarlik sodir etilgan.
Izoh (0)