Ijtimoiy tarmoqlarda Qashqadaryo viloyatidagi maktablardan birida xodimlar o‘zini soliq inspeksiyasidan kelganini aytib, o‘quvchilarga soliq to‘lash bo‘yicha tushuntirish bergani aks etgan videolavhalar tarqaldi.
Jumladan, ular o‘quvchilarga ota-onalari tomonidan mol-mulk soliqlarini to‘lash lozimligini tushuntirgan va qog‘oz tarqatgan.
Soliq qo‘mitasi matbuot xizmati holat yuzasidan rasmiy munosabat bildirdi. Unda taʼkidlanishicha, davlat soliq xizmati organlari maktabda bo‘lgan holatni noo‘rin xatti-harakat deb hisoblaydi va keskin qoralaydi.
Qo‘shimcha qilinishicha, kamchiliklarga yo‘l qo‘ygan xodimlarga nisbatan xizmat tekshiruvi tayinlangan.
Bolalar ombudsmani bola manfaatlari buzilishiga oid bu holatni o‘rganayotganini maʼlum qildi.
“Maktab o‘quv jarayoni ishtirokchisi bo‘lmagan begona shaxslarning taʼlimga oid tartib-qoidalarini qo‘pol ravishda buzgan holda dars jarayoniga kirib borishi va uni buzishi, bolalarga qandaydir noqonuniy talablar bilan murojaat qilishi — mutlaqo yo‘l qo‘yib bo‘lmaydigan holat!
Bolalar o‘z ota-onalarining soliqqa oid majburiyatlari uchun javobgar emas, hech bir holatda ularni bu jarayonga jalb qilish, ogohlantirish mumkin emas! Bu bolaning konstitutsiya va qonun bilan qo‘riqlanadigan huquq va manfaatlariga ziddir. Bunday nojo‘ya harakatlarga yo‘l qo‘ygan masʼullarga tegishli tarzda chora ko‘rilishi shart”, deyiladi xabarda.
Izoh (1)
Ahmoqmi bular