Toshkent viloyati Bo‘stonliq tumanida Jetaur haydovchisi boshqaruvni yo‘qotib, ko‘prikdan suvga tushib ketdi. Bu haqda FVV axborot xizmati xabar berdi.
Unga ko‘ra, 4-sentyabr kuni soat 16:00 da Bo‘stonliq tumani, G‘azalkent—Chirchiq yo‘lida harakatlanib ketayotgan Jetour haydovchisi boshqaruvni yo‘qotib, Oqtosh ko‘prigidan G‘azalkent suv taqsimlash inshootiga tushib ketgan.
Shunga asosan aytilgan manzilga FVV qutqaruvchilari yetib borib, maxsus texnika va asbob-anjomlar yordamida avtomobilni suv taqsimlash inshootidan olib chiqdi. Avtomobilda yo‘lovchilar bo‘lmagan.
Avvalroq Samarqand shahrida Nexia-2 Siyob kanaliga tushib ketgani to‘g‘risida xabar berilgandi. Shuningdek, shu yilning fevralida Namanganda Nexia-2 paromga chiqish vaqtida daryoga tushib ketgan edi.
Izoh (0)