Ozarbayjon prezidenti Ilhom Aliyev mamlakatni har qanday vaqtda urushga tayyor turishga chaqirdi. Bu haqda Anadolu xabar berdi.

Qurolli Kuchlarimiz har daqiqa, har kuni davlatimiz manfaatlari va xavfsizligini ta’minlashda posbonlik qilmoqda. Biz ehtimoliy tahdid manbalarini kuzatmoqdamiz, ko‘rmoqdamiz va ko‘ramiz. Biz harbiy qudratimizni oshirib bormoqdamiz, deya ta’kidladi Aliyev.
U Ozarbayjonga eng zamonaviy dronlar, yangi artilleriya tizimlari keltirilganini ta’kidladi. Yangi jangovar samolyotlar xarid qilish bo‘yicha shartnomalar imzolangani, mavjudlari esa to‘liq modernizatsiya qilinganini aytdi.
“Biz har qanday vaqtda urushga tayyor turishimiz lozim, chunki dunyodagi jarayonlarning kechishi shunday tezki, ertaga nima bo‘lishini oldindan aytib bo‘lmaydi. Xavfsizligimiz kafolati – o‘zimiz, davlatimiz, xalqimiz va Qurolli Kuchlarimiz.
Shuning uchun kimningdir o‘g‘riqli boshiga Ozarbayjonga qarshi qandaydir provakatsiya uyushtirish fikri kelsa, o‘ylaymanki, u yana pushaymon bo‘ladi. Biz esa bundan buyon g‘olib xalq va muzaffar davlat sifatida yashaymiz”, dedi Ozarbayjon prezidenti.
Armaniston va Ozarbayjon tinchlik kelishuvi haqida
Izoh (0)