“Renessans” bolalar oromgohida mahorat darslari tashkil etildi. Bu haqda prezident yordamchisi Saida Mirziyoyeva xabar berdi.
Saida Mirziyoyevaning qayd etishicha, bolalar uchun milliy kontent yaratish avvalo yosh ijodkorlarni qo‘llab-quvvatlashdan boshlanadi. Chunki milliy kontent ishlab chiqaradigan, xalqning ruhi va qadriyatlarini his etadigan yangi avlodni tarbiyalash soha kelajagi uchun juda muhim.
Yaqinda “Renessans” bolalar oromgohida tashkil etilgan ijodiy muloqot va mahorat darslari yosh iste’dodlar hamda soha mutaxassislari o‘rtasida ijodiy ko‘prik vazifasini o‘tadi. Professionallar o‘z tajriba va bilimlari bilan o‘rtoqlashdi, yoshlar esa kreativ g‘oya va loyihalarini taqdim etdi.
Bunday samarali va ilhomlantiruvchi loyihalarni mamlakatning turli hududlarida muntazam o‘tkazib borish zarurligi ta’kidlangan.
Chunki yurtimizda haqiqiy iste’dodlar ko‘p, ularga imkoniyat va yo‘l ko‘rsatadigan ustozlar kerak, deydi prezident yordamchisi.
Prezident yordamchisi Saida Mirziyoyeva yetakchi animatsiya studiyalari vakillari bilan uchrashgan edi. Saida Mirziyoyeva sohaning real holati hamda uni rivojlantirishga doir amaliy takliflarni eshitgan.
Izoh (0)