Shimoliy Koreya yetakchisi Kim Chen In AQSH yoki uning ittifoqchilarining Rossiyaga ehtimoliy hujumini qaytarish uchun qo‘shin yuborishga tayyorligini aytdi.
“Bu bizning birodar va quroldosh sifatidagi muqaddas burchimiz, deb hisoblayman”, dedi davlat rahbari 9-may kuni Rossiyaning KXDRdagi elchixonasiga tashrifi chog‘ida.
Kim Chen Inning aytishicha, AQSH nazoratsiz qolsa, “ko‘proq qaltis harakatlar sodir etishga jur’at qilishi” mumkin. Bu holatda, KXDR rahbari Vashingtonning “hamtovog‘i”, deb atagan Janubiy Koreya armiyasi AQSHdan o‘rnak olishi mumkin.
“Bunday aqldan ozgan jasorat o‘ta yuqumli virus kabi tarqalishi mumkin”, deya qo‘shimcha qildi Kim Chen In.
U Shimoliy Koreya harbiy xizmatchilarining Ukrainaga qarchi urushda ishtirok etishini KXDR suveren huquqlariga javob beradigan adolatli qaror deb atadi.
Kecha, 9-may kuni Rossiyaning KXDRdagi elchisi Aleksandr Matsegora Kursk viloyatida “mintaqa hududlarini Ukraina qurolli kuchlaridan ozod qilishda qatnashgan” Shimoliy Koreya harbiy xizmatchilariga yodgorliklar o‘rnatilishini ma’lum qildi. Bundan tashqari, Kursk viloyatidagi qayta tiklangan ko‘cha va maydonlar urushda qatnashgan harbiylar nomi bilan ataladi.
Izoh (0)