АҚШнинг Невада штатида UFC Fight Night 253 турнири бўлиб ўтди. Энг енгил вазн тоифасидаги UFC жангчиси, ўзбекистонлик спортчи Рамазон Темиров мусобақанинг илк жангида америкалик Чарльз Жонсонга қарши кардга чиқиб, очколар бўйича ғалаба қозонди.
Эслатиб ўтамиз, бу жанг MMA оламидаги энг олий промоушендаги иккинчи жанги ҳисобланади. “Темурлан” UFC’даги илк жангини 2024 йилнинг октябрида ўтказган ва ўшанда америкалик СиЖей Вергарани нокаутга учратган эди. Шу тариқа Темиров UFC’даги ҳар икки жангини ҳам ғалаба билан якунлади.
Жонсон эса бунгача UFC’да 10 та жанг ўтказган бўлиб, шундан 7 та ғалаба, 3 мағлубият қайд этган. Чарльз кетма-кет 4 та жангдан иборат ғалабали серия қайд этиб келаётган эди. Бугун унинг ушбу серияси якунланди.
Изоҳ (0)