Ўзбекистонда ўқилган Рамазоннинг илк жума намози — суратларда
Ўзбекистонга 13 апрель куни Рамазон ойи кириб келди. Мамлакатдаги масжидларда 12 апрелдан бошлаб таровиҳ намозлари ўқилишни бошланди. 1400 га яқин масжидда эса бу ойда Қуръон ҳатм қилиниши маълум қилинди. Рамазон ойига яқин мамлакатнинг турли ҳудудларида янги масжидлар очилди. Хусусан, Самарқандда учта, Сирдарёда эса битта янги масжид очилди. Навоий вилояти Конимех туманида эса аҳоли Президентдан 2019 йил қурилишини сўраган «Мих ота» масжиди қайта қурилиб, фойдаланишга топширилди.
Шу каби Рамазонга яқин очилган ва бошқа масжидларда 16 апрелда Рамазон ойининг илк жума намози ўқилди. «Дарё» ушбу жума намозларида олинган суратларни тақдим қилади.
Қарши шаҳридаги «Кўк гумбаз» масжиди
Қарши шаҳридаги «Кўк гумбаз» масжидига жума намозини ўқиш учун келаётган одамлар ва ИИО ходимлари.Фото: «Дарё» / Отабек Қўлдошев
Ушбу суратларни олиш жараёнида «Дарё» мухбири Отабек Қўлдошевга ички ишлар ходимларидан бири қўполлик қилиб, бошқа ходимларга мухбирни автомобилга солиб, олиб кетишни буюрган. Отабек Қўлдошев Қарши шаҳар 1-сонли ИИБга олиб кетилган. ИИВ ҳодисага тезкор муносабат билдириб суҳбат жараёнида касб этикасини бузган ички ишлар органи ходимининг ҳаракатлари ўрганиб чиқилиб, ҳуқуқий баҳо берилиши ҳақида баёнот берган.
Масжид майдони 20 минг квадрат метрни ташкил этади. Бу ердаги хонақоҳда 4,5 минг нафар намозхон ибодатни адо этиши мумкин.Фото: «Дарё» / Жаҳонгир Акрамов
Масжид 19 март куни расман очилган ва ундаги биринчи жума намози айни шу куни ўқилган.Фото: «Дарё» / Жаҳонгир Акрамов
Масжидда мусулмонлар учун барча қулайликлар яратилган. Жумладан, 700 ўринли автотураргоҳ, таҳоратхона барпо этилди, замонавий иситиш ва совитиш тизимлари ўрнатилган.Фото: «Дарё» / Жаҳонгир Акрамов
Изоҳ (0)