Душанбедаги “Қасри Миллат” қароргоҳида давлат ташрифи билан Тожикистонга келган Шавкат Мирзиёевни расмий кутиб олишга бағишланган тантанали маросим бўлди. Бу ҳақда Президент матбуот хизмати хабар берди.
Олий мартабали меҳмон шарафига фахрий қоровул саф тортди. Икки давлат мадҳиялари янгради.
Президентлар Шавкат Мирзиёев ва Эмомали Раҳмон фахрий қоровул сафи олдидан ўтиб, расмий делегация аъзоларини бир-бирига таништирди. Биргаликда суратга тушилди.
Айни пайтда давлат раҳбарлари икки томонлама учрашув ўтказмоқда.
Бундан олдин Шавкат Мирзиёев “Дўстий” майдонига ташриф буюриб, Исмоил Сомоний ҳайкали пойига гул қўйгани тўғрисида хабар берилганди.
Изоҳ (0)