Навоий вилояти Навбаҳор туманида аёл янги туғилган чақалоғини 10 миллион сўмга сотмоқчи бўлди. Бу ҳақда вилоят ИИБ хабар берди.
Маълум қилинишича, Навбаҳор туманида яшовчи К.Р. ҳали чилласи чиқмаган чақалоғини 10 миллион сўмга баҳолаган. Ҳолат ДХХ вилоят бошқармаси ҳамда туман ИИБ ходимлари иштирокида ўтказилган тезкор тадбир давомида аниқланган.
К.Р. чақалоғини қўшни маҳалладаги З.С.га 10 миллион сўмга сотаётган пайтда ашёвий далиллар билан қўлга олинди. Аёлга нисбатан Жиноят кодексининг 135-моддаси 3-қисми билан жиноят иши қўзғатилиб, тергов ҳаракатлари олиб борилмоқда.
Бундан олдин Тошкент вилоятида бир ёшли ўғлини 9 минг долларга сотишга уринган эр-хотинга суд ҳукми ўқилгани, Самарқандда аёл уй олиш учун 6 ёшли ўғлини 6 минг долларга сотмоқчи бўлганида қўлга олингани ҳамда Навоийда фарзандини 85 миллион сўмга сотишга уринган эр-хотин жиноят устида қўлга олингани ҳақида хабар берилганди.
Изоҳ (0)