Шавкат Мирзиёев фармойиши билан Президент матбуот хизматида янги тайинловлар амалга оширилди.
Президент матбуот хизмати бош консултанти лавозимида ишлаб келган Баҳодир Юнусов Президент матбуот хизмати шўба мудири этиб тайинланди.
Ушбу лавозимда 2020 йилдан буён Ғуломжон Самадов ишлаб келаётган эди. У “Нурафшон” телеканали директорлигида иш бошлади.
Баҳодир Юнусов Президент матбуот хизмати бош консултанти лавозимида 2018 йилдан буён ишлаб келаётганди. Ундан аввал кўп йиллар давомида Ўзбекистон МТРК тизимида турли лавозимларда фаолият кўрсатган, сўнг Вазирлар Маҳкамасининг департаментларидан бирида ҳам ишлаган. 2017 йилда МТРК раисининг биринчи ўринбосари бўлган.
Шунингдек, фармойиш билан Буюк Британиядаги Халт халқаро бизнес мактаби ва Бирмингем университетини тамомлаган Камила Гайнулина Президент матбуот хизмати етакчи инспектори лавозимига тайинланди.
Изоҳ (0)